نوێژی موسوڵمانان لە مەککە. وێنە: X
عێراق بۆ سعودیە: پشکی عەمرەکارانمان بۆ بکەن بە 1.5 ملیۆن کەس
964+
هاوبەش ئەبوبەکر
بەغدا بە فەرمی داوای لە سعودیە کردووە ژمارەی عەمرەکارەکان لە پشکی عێراق، کە ساڵانە گەشت دەکەن بۆ مەککە و مەدینە، بەرز بکاتەوە بۆ ملیۆنێک و 500 هەزار کەس.
حەیدەر مەجید، وتەبێژی ئەمینداری گشتی ئەنجوومەنی وەزیرانی عێراق، رایگەیاند، شاندێکی عێراق کە ئێستا لە سعودیەن و بەشدارن لە خولی پێنجەمی ئەنجوومەنی هەماهەنگی نێوان هەردوو وڵات، دوێنێ پێنجشەممە ئەم داوایەیان گەیاندووەتە سعودیە.
حەیدەر مەجید، ئەم قسانەی ئەمڕۆ هەینی بۆ ئاژانسی فەرمی ئەنجوومەنی وەزیرانی عێراق کردووە.
بەپێی ئامارەکانی وڵاتی سعودیە، ئەمساڵ تەنیا لە رێگەی دەروازەی عەرعەرەوە، 200 هەزار هاوڵاتی عێراقی چوونەتە ئەو وڵاتە بۆ بەجێگەیاندنی عەمرە.