جامی ئیتالیا. فۆتۆ: سۆشیال میدیا
ئه‌مشه‌و پاڵه‌وانی جامی ئیتالیا ده‌ردەكەوێت
964+
ئه‌رسه‌لان عه‌بدوڵا
ئه‌مشه‌و یاریی كۆتایی جامی ئیتالیا به‌ڕێوه‌ده‌چێت و تێدا یانه‌ی ئینته‌رمیلان به‌رامبه‌ر یانه‌ی فیۆرێنتینا یاریی ده‌كات.
یاریی كۆتایی جامی ئیتالیا له یاریگه‌ی ئۆلمپیكۆ له رۆما كاتژمێر 10:00 ده‌ستپێده‌كات.
له قۆناغی پێش كۆتاییدا ئینته‌ر له یوڤێنتۆسی برده‌وه، فیۆرێنتیناش توانی به‌ربه‌ستی كریمۆنێزی ببڕێت و بگاته یاریی كۆتایی.
ئینته‌رمیلان یاریی كۆتایی چامپیۆنزلیگی ئه‌م وه‌رزه‌شی له‌پێشه، ئه‌مڕۆش به‌ربژێره بۆ ئه‌وه‌ی نازناوی جامی ئیتالیا بباته‌وه، له به‌رامبه‌ردا فیۆرێنتیا چاوی له‌وه‌یه بۆ جاری حه‌وته‌م له مێژوودا ببێته براوه‌ی جامی ئیتالیا.