دیمەنی ئەرشیفی حاجیانی کورد لەکاتی بەجێگەیاندنی ئەرکی حەجدا _ وێنە: 964
ڤیزای حاجیان دەستپێدەکات
90%ـی ئامادەکارییەکانی حەج تەواو بووە
964+
وریا فەتاح
بەڕێوەبەرایەتی گشتی حەج و عومرەی هەرێم رایگەیاند، زۆربەی ئامادەکارییەکان بۆ وەرزی حەجی 2026 کۆتایی هاتووە و لە ماوەیەکی نزیکدا پڕۆسەی ڤیزاکردنی حاجیانی کوردستان دەستپێدەکات.
کاروان ستونی، وتەبێژی حەج و عومرەی هەرێم رایگەیاند، مامەڵەی هەموو حاجیان تەواو کراوە و لە ئێستادا شاندێکیان لە بەغدایە بۆ کۆتاییهێنان بە رێکارە ئیدارییەکان.
ئاماژەی بەوەش کرد، وەزارەتی حەجی سعودیە بۆ ئەمساڵ رێنمایی نوێی هەیە و ئەوان بە هەماهەنگی لەگەڵ دەستەی باڵای حەج و عومرەی عێراق، زیاتر لە 90%ـی رێکارەکانیان جێبەجێ کردووە.
ستونی جەختی کردەوە کە پلانیان هەیە هاوشێوەی ساڵانی رابردوو، باشترین خزمەتگوزاری لە رووی نیشتەجێبوون و گواستنەوە پێشکەش بە حاجیانی هەرێم بکەن.
