دیمەنێك لە بۆردومانی حەلەب لە لایەن هێزەكانی حكومەتی سوریاوە
ئەمڕۆ شەڕ بوو
ئاگربەست لە حەلەب راگەیاندرا
964+
ئەرسەلان عەبدوڵا
هەردوو لایەنی حكومەتی سوریا و هێزەكانی سوریای دیموكرات رایانگەیاند، بە هێزەكانی خۆیان راگەیاندووە تەقە نەكەن و شەڕ رابگرن.
ئیدارەی راگەیاندن و پەیوەندییەكانی وەزارەتی بەرگریی سوریا بڵاویكردەوە، فەرماندەیی سوپا فەرمانی دەركردووە تەقە نەكەن و وەڵامی سەرچاوەی بۆردومانەكانی هێزەكانی سوریای دیموكرات “هەسەدە” نەدەنەوە، بۆ ئەوەی هاوڵاتیان پارێزراوبن.
لەلای خۆیەوە هێزەكانی سوریای دیموكرات “هەسەدە” رایگەیاند، فەرمانیان بە هێزەكانیان داوە، تەقە نەكەن و پابەندی ئاگربەست بن، بۆ ئەوەی پەیوەندییەكانی راگرتنی شەڕ وەڵامبدەنەوە.
ئەمڕۆ شەڕ و پێكدادان لە نێوان هێزەكانی حكومەتی سوریا و هەسەدە لە باكووری شاری حەلەب روویدا و لە ئەنجامدا هاوڵاتییەكی كورد كوژرا و 17ی دیكەش بریندار بوون.
