هاتووچۆی عێراق ئەم کارە دەکات
باج و شوێنی تایبەت بۆ ئۆتۆمبێلی خاوەن پێداویستی تایبەت تەرخان دەکرێت
964+
فەرهاد حەسەن
بەڕێوەبەرایەتی گشتی هاتوچۆی عێراق، باج و شوێنی تایبەت بۆ ئۆتۆمبێلی خاوەن پێداویستی تایبەت تەرخان دەکات و ئەم بڕیارەشیان بە چەسپاندنی دادپەروەری بۆ خاوەن پێداویستییە تایبەتەکانی وڵاتەکەی دەزانێت.
فەریق عودەی سەمیر ئەلحەسانی، بەڕێوەبەری گشتی هاتووچۆ، لە راگەیەندراوێکدا دەڵێت دابینکردنی باج و تەرخانکردنی شوێنی تایبەت بۆ ئۆتۆمبێلی خاوەن پێداویستی تایبەت و کەمئەندامان تەواوی پارێزگاکان دەگرێتەوە.
بڕیارەکە بە پشتبەستن بە رێنمایی وەزیری ناوخۆیە و بۆ ئەم مەبەستەش ئەمڕۆ کۆبوونەوەیەکی فراوان لەگەڵ جێگرانی بەرێوەبەری گشتی و سەرۆکی بەشە تایبەتمەندەکانی ناو بەرێوەبەرایەتی ئەنجامدراوە.
بەپێی ناوەڕۆکی کۆبوونەوەکە، وەرگرتنی رەزامەندی وەزیری ناوخۆ بۆ دەستەبەرکردنی دادپەروەری بۆ خاوەن پێداویستییە تایبەتەکان بە پێدانی باجی تایبەت بۆیان و دانانی نیشانە و هێمای هاتووچۆ بە شوێنی دیاریکراوی وەستاندنی ئۆتۆمبێلەکانیان لە شوێنە گشتییەکان و ناوچە بازرگانییەکان و شوێنەکانی پشوودان.
بڕیارێکی دیکەی کۆبوونەوەکە رێکخستنی میکانیزمی دابەشکردنی سەرچاوە مرۆییەکان و پەرەپێدانی ئەدای ئەفسەرانی هاتوچۆ لە رێگەی خولی راهێنانی پێشکەوتوو بۆ بەرزکردنەوەی کاراییەکانیان.
هاتوچۆی عێراق پێدانی سزای پێبژاردن دەکاتە ئەلیکترۆنی
