دیمەنێکی فێستیڤاڵی هەناری هەڵەبجە لە ساڵانی رابردوودا - وێنە؛ ئەرشیفی 964
کۆتایی ئەم مانگە بەڕێوەدەچێت
ئاڵوگۆڕ و کڕین و فرۆشتنی دوکانەکان لە فێستیڤاڵی هەناری هەڵەبجە قەدەغە کرا
شۆڕش قادری
ئاڵوگۆڕ و کڕین و فرۆشتنی دوکانەکان لە فێستیڤاڵی هەناری هەڵەبجە قەدەغە کرا و هەرکەس ئەو کارە بکات، سزا دەدرێت و لە فێستیڤاڵەکەش دوور دەخرێتەوە.
لیژنەی باڵای یانزەیەمین فێستیڤاڵی هەنار و پاییزی هەڵەبجە لە ئاگادارییەکدا بۆ ئەو کەسانەی کە لە فێستیڤاڵەکەدا شوێن و دوکانیان بۆ دەرچووە دەڵێت، “ئاڵوگۆڕ و فرۆشتنی دوکانەکان بە هەموو شێوەیەك قەدەغەیە”.
جەختیش لەوە دەکاتەوە کە هەر کەسێک ئاڵوگۆڕ و فرۆشتن ئەنجام بدات، لە دوای گەڕانی لیژنەی چاودێری لە سێ رۆژی فێستیڤاڵ، بە پێی بەڵێننامەی واژوو کراو، هەردوولا واتە فرۆشیار و کڕیاریش سزای یاسای دەدرێن و لە فێستیڤاڵ دوور دەخرێنەوە.
بڕیارە رۆژی 30ـی ئەم مانگە یانزەیەمین فێستیڤاڵی هەنار و پاییز لە هەڵەبجە دەستپێبکات و بۆ ماوەی سێ رۆژیش بەردەوام دەبێت.