شەڕی دەستەویەخە لە دێربیی مەدرید فۆتۆ: سۆشیال میدیا
ئه‌مڕۆ دێربی مه‌دریده و ئاگربارانه
964+
ئه‌رسه‌لان عه‌بدوڵا
له خولی پله یه‌كی ئیسپانیا، یارى لووتكه له سانتیاگۆ بێرنابیۆ ئه‌نجام ده‌درێت، كاتێك هه‌ردوو تیپه گه‌وره‌كه‌ی شاری مه‌درید رووبه‌ڕوو ده‌بنه‌وه.
ئه‌مڕۆ شه‌ممه 25.2023 له گه‌ڕی 23ی لالیگای ئیسپانیا، له یاری دێربیی مه‌درید هه‌ردوو یانه‌ی ریال مه‌درید و ئاتلێتیكۆ مه‌درید، له یاریگای سانتیاگۆ بێرنابیۆ “یاریگای ریال مه‌درید” رووبه‌ڕوو ده‌بنه‌وه.
چاوه‌ڕێی یارییه‌كی به‌هێز ده‌كرێت، وه‌ك هه‌میشه یارییه‌كانی نێوانیان توندوتیژ و به‌هێز و ئاگریینه.
له پێكهاته‌ی ریال مه‌درید، فێرلاند مێندی، ئالابا و رۆدریگۆ به‌هۆی پێكانه‌وه به‌شداری ناكه‌ن، به‌ڵام چوامینی له پێكان چاكبووه‌ته‌وه و بۆ یارییه‌كه ئاماده‌یه.
لە پێکهاتەی ئاتلێتیکۆشدا دی پاول و ریگیلۆن بە هۆی پێکانەوە یاری ناکەن، بەڵام مۆراتا دەگەڕێتەوە و ئامادەیە.
به‌ڕێوه‌چوونی یارییه‌كه له كاتێكدایه، ریال مه‌درید له پله‌ی دووه‌می ریزبه‌ندییه به 51 خاڵ و 8 خاڵ له بارسێلۆنا دووره، ئاتلێتیكۆش به 41 خاڵ له پله‌ی چواره‌مه.
خشته‌ی یارییه‌كانی ئه‌مڕۆ:
ئیسپانیۆڵ – ریال مایۆركا 16:00
قادێش – رایۆڤاییكانۆ 18:15
ریال مه‌درید – ئاتلێتیكۆ مه‌درید 20:30
ڤالێنسیا – ریال سۆسیداد 23:00
شه‌وی رابردووش له ده‌ستپێكی یارییه‌كانی گه‌ڕی 23، ریال بێتیس به 3-2 گۆڵ له ده‌ره‌وه‌ی یاریگه‌ی خۆی له یانه‌ی ئێلچیی برده‌وه.