کۆبوونەوەی بەشێک لە دەرچووەکان لەگەڵ سەرپەرشتیاری ئیدارەی گەرمیان. فۆتۆ: ئیدارەی گەرمیان
داوای دەستبەکاربوون دەکەن
لە کفری 168 دەرچوو فەرمانی دامەزراندنیان هەیە و بێکارن
964+
ژووری هەواڵ
لە قەزای کفری 168 دەرچوو فەرمانی دامەزراندنیان هەیە و بێکارن، ئەمڕۆ سەردانی ئیدارەی گەرمیانیان کرد و داوای دەستبەکاربوون دەکەن.
ئەمڕۆ پێنجشەممە 31.7.2025، ئیدارەی گەرمیان رایگەیاند، لە کۆبوونەوەیەکدا سەرپەرشتیاری ئیدارەکە بەڵێنی دا بەو 168 دەرچووە کە داخوازیەکەیان بۆ دەستبەکاربوون بەهەند وەردەگیرێت و کاری لەسەر دەکات.
“نوێنەری دەرچووەکانی قەزای کفری داوایانکرد، سەرپەرشتیاری ئیدارەی گەرمیان پشتیوانیان بێت و داواکاری دەستبەکاربوونیان ئاڕاستەی ئەنجوومەنی وەزیران بکات”، ئیدارەی گەرمیان وا دەڵێت.
جەلال شێخ نوری، سەرپەرشتیاری ئیدارەی گەرمیان، وتویەتی جەخت لە پێویستی ئەو فەرمانبەرانە بۆ دامودەزگاکانی کفری دەکەنەوە و لە رابردوودا، ئیدارەی گەرمیان چەند جارێک نوسراوی کردووە بۆ دەرچوونی فەرمانی دەستبەکاربوونی ئەو فەرمانبەرانە بەڵام بەهۆی کێشەی دارایی و تەرخانکردنی موچە لەلایەن حکومەتی عێراقەوە، دەستبەکاربوونی ئەم 168 دەرچووە کفری دواکەوتووە.
