"پێنج هاوڵاتیمان رزگار کرد"
لە هەولێر ئاگر لە هۆتێلێک کەوتەوە و زیانی ماددی لێکەوتەوە
964+
عەبدولعەزیز خالند – هەولێر
لە گەڕەکی تەیراوای هەولێر ئاگر لە هۆتێلێک کەوتەوە و زیانی ماددی لێکەوتەوە، تیمەکانی بەرگری شارستانیش پێنج کەسیان رزگار کرد.
شاخەوان سەعید وتەبێژی بەرگری شارستانی هەولێر بە 964ـی وت، کاتژمێر 10:17 خولەکی پێشنیوەڕۆی ئەمڕۆ یەکشەممە 6.7.2025 لە گەڕەکی تەیراوا ئاگر لە هۆتێلێک کەوتەوە.
ئاماژەی بەوەشکرد، دوای ئاگادارکردنەوەیان لە رووداوەکە، دەستبەجێ نزیکەی 10 تیمیان گەیشتوونەتە شوێنی رووداوەکە، ئاگرەکەیان کۆنتڕۆڵ کردووە و پێنج کەسیشیان رزگار کردووە.
ئازاد مەهاجر خاوەنی هۆتێلەکە بە 964ـی وت، ئاگرەکە زیانی گیانی نەبووە، تەنیا زیانی ماددی لێکەوتووەتەوە و چەند ژوورێکی هۆتێلەکە سووتاون.
پێداچوونەوە؛ شۆڕش قادری
لە پڕۆژەیەکى نیشتەجێبوونى هەولێر ئاگرکەوتەوە
