له شهش مانگدا بۆ نزیكهى 1500 نهخۆش كراوه
له كۆیه رۆژانه 15 كاتژمێرى بهردهوام كارى شوشتنهوهى گورچیله بۆ نهخۆشهكان دهكرێت
964+
فهرهاد حهسهن
تهندروستى كۆیه دهڵێت، سهنتهرهى گورچیلهى دهستكرد رۆژانه 15 كاتژمێری بهردهوام كاردهكهن بۆ شوشتنهوهى گورچیلهى نهخۆشهكان و لهماوهى شهش مانگى یهكهمى ئهمساڵیشدا كارى شوشتنهوهى گورچیله بۆ نزیكهى ههزار و 500 نهخۆش كراوه.
جگه له رۆژانى ههینى بهشێوهیهكی بهردهوام له شهممه تاوهكو پێنجشهممه لهكاتژمێر 7:00ـى بهیانییهوه تاوهكو 10:00ـى شهو كارى شوشتنهوهى گورچیله لهو سهنتهره بهردهوامه.
بهپێی ئامارێ كه تهندروستى كۆیه بڵاویكردووهتهوه لهماوهى شهش مانگى ئهمساڵ ههزار و 478 هاولڵاتى شوشتنهوهى گورچیلهیان بۆ كراوه كه تهمهنیان له نێوان 12 بۆ 80 ساڵاندا بووه و لهههردوو رهگهزیشن.
تهندروستى كۆیه دهڵێت، كارى شوشتنهوهى گورچیله لە رێگهی سیستمێکی ئاڵۆز و وردەوە ئەنجامدەدرێت هەر چارەسەرێک کە بۆ چارەخوازێک دەکرێت نزیکەی چوار کاتژمێر دەخایەنێت بەپێی خشتەیەک، کە دانراوە پرۆسەکە ئەنجامدەدرێت.
زۆرجاریش لەکاتی دروستبوونی گرفتی تەندروستی نەخۆشەکان یاخود کارەبا یا ئەو ئامێر و سیستمە ئاڵۆزەی پرۆسەکە ئەنجامدەدەن ئەوەندەی تر ستافی سەنتەرەکە دەخاتە بەردەم دۆخێکی قوڕس و ناهەموار، تاوهکو ئاساییبوونەوە و جێگیربوونی دۆخەکە.
بهشی شووشتنهوهى گورچیله له نهخۆشخانهى شهقڵاوه كرایهوه
لهههر دوو كاتژمێرێكدا 5 منداڵ لهدایكدهبن و 4 كهسيش ششتنهوهى گورچیلهیان بۆ دهكرێت
