داهێنان و پڕۆژەی خوێندکاران خرایەڕوو
دووەمین پێشانگای زانستی لە زانکۆی نۆڵج بەڕێوەچوو
964+
دەشتی عارف ـ هەولێر
بە هەماهەنگی زیاتر لە 10 زانکۆ و پەیمانگای هەرێمی کوردستان و عێراق، دووەمین پێشانگای زانستی لە زانکۆی نۆڵج بەڕێوەچوو.
پێشانگاکە لەلایەن کۆلێژی زانست لەزانکۆی نۆڵج رێکخرابوو و تیایدا زیاتر لە 150 پڕۆژەی زانستی و داهێنانی خوێندکاران و قوتابیان لە بوارەکانی پزیشکی و کیمیا و جیۆلۆجی خرایەڕوو.
ئایا محەمەد سەرپەرشتیاری پێشانگاکە بە 964ـی وت، “ئامانج لە کردنەوەی پێشانگاکە ئەوەیە کە هانی قوتابیان بدەن بۆ ئەوەی پڕۆژەی زانستی جۆراوجۆ پێشکەش بکەن و داهێنان بکەن”.
وتیشی، دەیانەوێ لەو رێگەیەوە پەیوەندییەکی پتەو لەگەڵ زانکۆکانی کوردستان و عێراق دروست بکەن.
پێداچوونەوە: شۆڕش قادری
