سەرۆک وەزیرانى عێراق، سەردانى تارات دەکات...وینە: ئاژانسى دەنگوباسى عێراق
بە سەردانێکى فەرمى
سودانى بەغداى بەرەو تاران بەجێهیشت
964+
وریا فەتاح
لە سەردانێکى فەرمیدا، بەیانى ئەمڕۆ سەرۆک وەزیرانى عێراق، بەغداى بەرەو تاران بەجێهێشت و بڕیارە لەگەڵ بەرپرسانى ئێران کۆببێتەوە.
نووسینگەی راگەیاندنی سەرۆکروەزیرانی عێراق لە راگەیەندراوێکدا بڵاوى کردەوە،”محەمەد شیا سودانی، سەرۆک وەزیرانی عێراق ئەمڕۆ چوارشەممە، بەغدای پایتەختی بەجێهێشت و بە سەردانێکی فەرمی بۆ کۆماری ئیسلامی ئێران بەرەو تاران بەڕێکەوت”.
سەردانەکەى سودانى فەرمییە و بە وتەى وتەبێژى وەزارەتى دەرەوەى ئێران، لەسەر داواى مەسعود پزیشکیان سەردانەکە رەخسێندراوە و بڕیارە گۆڕانکارییەکانى ناوچەکە و بارودۆخى سوریا، تاوتوێ بکەن.
بە وتەى باڵیۆزى ئێران لە بەغدا کە بە میدیا ناوخۆییەکانى وڵاتەکەى وتووە، لەگەڵ سودانى، شاندێکى ئابورى و سیاسیش یاوەرى دەبن و بەدواداچوون بۆ ئەو رێککەوتنانە دەکرێت کە لە چوونى پزیشکیان بۆ عێراق، واژۆکران.
