پۆلیسی دارستان لە گوندی مەروێ ئۆتۆمبێلی راوچییەکیان دەستگیرکرد
پۆلیسی دارستانی شارباژێر
سێ راوچی لە گوندی مەروێ دەستگیر کران
964+
ژوولی عەدنان
سێ راوچی لە گوندی مەروێ بە تۆمەتی راوکردنی باڵندەی کێوی دەستگیرکران.
راوچییەکان لەلایەن مەفرەزەیەکی بەشی پۆلیسی دارستانی شارباژێر و بە هاوکاری ئاسایشی قەزای چوارتا دەستگیرکراون.
هێمن کەمەرخان وتەبێژی پۆلیسی دارستان و ژینگەی سلێمانی بە 964ـی وت ”تیمەکانمان بەردەوام هەرد و چیاکانی سنووری سلێمانی و دەوروبەری دەپشکنن و بەدوای راوچییەکاندا دەگەڕێن، ئەم راوچییانە باڵندەی کێوییان راوکردووە لە سنووری گوندی مەروێ، لەبەرئەوە دەستگیرکراون”.
وتیشی، لە کاتی دەستگیرکردنیان سێ چەکی تاپڕ و چوار فیشەکی تاپڕ و یەک چەقۆ و ئۆتۆمبێلێکیان لە راوچییەکان گرتووە.
باسی لەوەش کرد، پەڕاوی لێکۆڵینەوەیان بۆ تۆمەتبارەکان رێکخستووە و رادەستی دادوەر کراوە.
” پاراستنی سروشتی کوردستان لە هەموو روویەکەوە وەفادارییە بۆ وڵات، ئەرکی سەرشانی هەموومانە، بۆیە داوادەکەین هەرکەسێک سەرپێجی ببینێت پەیوەندی بە تیمەکانمانەوە بکات”، هێمن کەمەرخان وای وت.
پۆلیسی دارستانی سلێمانی 10 کەسیان دەستگیرکرد
