عیسا عەبدوڵا
داعش رفاندبووی
پێشمەرگەیەک دوای 10 ساڵ بێسەروشوێنبوون ئەمڕۆ لە سوریا دۆزرایەوە
964+
هیڤی دێوالی-دهۆک
پێشمەرگەیەکی ماوەی 10 ساڵە بێسەروشوێنە، ئەمڕۆ لە سوریا دۆزرایەوە و پەیوەندی بە کەسوکارەکەیان کراوە.
پێشمەرگەکە ناوی عیسا عەبدوڵایە و خەڵکی ناحیەی دینارتەیە لە قەزای ئاکرێ ، ماوەی 10 ساڵە بێسەروشوێنە و لەلایەن چەکدارانی رفێندرابوو، .ئەمڕۆ یەکشەممە 2024.12.8 لە سوریا دۆزرایەوە و لە سوریاوە پەیوەندی بە کەسوکارەکەیان کراوە
رەشید زێباری، ئامۆزای پێشمەرگە بێسەروشوێنەکە، بە 964ـی وت، پاشنیوەڕۆی ئەمڕۆ لە ژمارەیەکی بیانییەوە پەیوەندیمان پێوەکرا و نەمانزانی چی بڵێین، بەڵام ئاگادارکراین ناوی ئامۆزاکەم لە لیستێکدایە و لە ژیاندایە و لە زیندانی حەمس ئازاد کراوە.
وتیشی، لە ساڵی 2014ەوە لەلایەن داعشەوە رفێندراوە و بێسەروشوێن بوو، هیچ هەواڵێکی لەسەری نەبوو، ئێمە پێمان وابوو مردووە.
باس لەوەش کرد، چاوەرێی حکومەت و لایەنی پەیوەندیدارین رێگایەکمان بۆ بدۆزیتەوە و ئامۆزاکەمان بگەڕێنینەوە.
پێداچوونەوە: ئەرسەلان عەبدوڵا
