دیمهنێكی پهتاتهى دهۆك كه ئامادهكراون بۆ ههناردهكردن بۆ وڵاتانى گهنداو... وێنه: وهزارهتى كشتوكاڵ
هه‌نارده‌ى ئه‌وڕوپا و کەنداویشی به‌رده‌وام ده‌بێت
ئه‌مساڵ دهۆك نزیكه‌ى 250 هه‌زار تۆن به‌رهه‌مى كشتوكاڵى هه‌نارده‌ى پارێزگاكانى عێراق كردووه
964+
فه‌رهاد حه‌سه‌ن
كشتوكاڵى دهۆك ده‌ڵێت، ئه‌مساڵ تاوه‌كو ئێستا نزیكه‌ى 250 هه‌زار تۆن به‌رهه‌می كشتوكاڵى بۆ بازاڕه‌كانى ناوه‌ڕاست و خوارووى عێراق ناردووه و هه‌نارده‌ى چه‌ند به‌رهه‌مێكیشی بۆ وڵاتانى ئه‌وروپا و کەنداو به‌رده‌وام ده‌بێت.
ئه‌و به‌رهه‌مانه‌ى هه‌نارده‌ى بازاڕه‌كانى عێراقی كردووه بریتین له په‌تاته، پیاز، ته‌ماته و خه‌یار.
ئه‌حمه‌د جه‌میل، به‌ڕێوه‌به‌رى گشتى كشتوكاڵى دهۆك به 964ـى راگه‌یاند، ئه‌مساڵ تواندراوه بڕى 345 هه‌زار و 788 تۆن له‌م به‌رهه‌مه خۆماڵیانه هه‌نارده بكرێن.
وتیشی “هه‌نارده‌كردنى به‌رهه‌مه‌كان له رێكه‌وتى 1.1.2024 تاوه‌كو 31.10.2024ـه”.
ئاماژه‌ى به‌وه‌شكرد، ئه‌و به‌رهه‌مه خۆماڵیانه‌ى پارساڵ هه‌نارده‌ى وڵاتانى ئه‌وروپی و کەنداو كراون به‌هه‌مانشێوه‌ش ئه‌مساڵیش هه‌نارده ده‌كرێنه‌وه، كه بریتین له‌و سماق، برنج، مازوو و په‌تاته.
