دیمهنێكی كاتى جێبه‌جێكردنى پڕۆژهكه له ههوڵهبجه... وێنه: بهڕێوبهرایهتى كۆچ و كۆچبهران و وەڵامدانەوەی قەیرانەکان
پڕۆژه‌كانیان جۆراوجۆرن
له هه‌ڵه‌بجه پاڵپشتى دارایی له 52 گه‌نج ده‌كرێت بۆ جێبه‌جێكردنى پڕۆژه‌كانیان
964+
فه‌رهاد حه‌سه‌ن
له هه‌ڵه‌بجه، پڕۆژەی پاڵپشتی گەنجان بۆ جێبه‌جێكردنى پڕۆژه‌كانیان، چووە قۆناغی جێبەجێکردن 1ماره‌یان 52 گه‌نجه و پڕۆژه‌كانیشیان جۆراوجۆرن.
پاڵپشتییه داراییه‌كه بۆ ئه‌و گه‌نجانه‌ن كه خاوەن پڕۆژەن بۆ ئه‌وانه‌ش دەست به پڕۆژەكانیان ده‌كه‌ن.
پڕۆژەكه لەلایەن ڕێکخراوێکی عێراقی بە هەماهەنگی بەڕێوەبەرایەتی کۆچ و کۆچبەران و وەڵامدانەوەی قەیرانەکان و بە پاڵپشتی وەزارەتی فیدراڵی ئەڵمانیا بۆ هاوکاری و گەشەپێدانی ئابووری BMZ هاوکاری دارایی کراوە و لەلایەن GIZ جێبەجێدەکرێت.
فریاد نه‌جمه‌دین، به‌ڕێوه‌به‌رى بەڕێوەبەرایەتی کۆچ و کۆچبەران و وەڵامدانەوەی قەیرانەکان له هه‌ڵه‌بجه به 964ـى راگه‌یاند، هه‌نگاوى یه‌كه‌مى ئه‌و پاڵپشتییه بڕه پاره‌یه‌كیان پێدەدرێت بۆئەوەی پڕۆژەکانیان فراوان بکەن یاخود دەست بە پڕۆژەکانیان بکەن.
38 گه‌نج كار له‌سه‌ر فراوانكردنى پڕۆژه‌كانیان و 14 گه‌نجیش له‌سه‌رتاى ده‌ستپێكردنی پڕۆژه‌كانیانن.
جۆرى پڕۆژه‌كانیشیان بریتین له دروستكردنى سابون، كشتوكاڵ، به‌بازاڕكردنى به‌روبوم، به‌رگدوورى و دارتاشی و چه‌ند پیشه‌یه‌كی دیكه.
وتیشی ” ئه‌وانه‌ى پڕۆژه‌كانیان فراوان ده‌كه‌ن بڕى چوار ملیۆن و 500 هه‌زار دیناریان پێده‌درێت و ئه‌وانه‌ى له ده‌ستپێكیشن سێ ملیۆن دینار وه‌رده‌گرن”.
ئاماژه‌ى به‌وه‌شكرد، بەمەبەستی سەرخستن و چاودێریکردنی پڕۆژه‌كان بەڵێننامەی یاسایی به گه‌نجه‌كان پڕکراوەتەوە، تا پابەندی ئەو مەرج و رێنماییانە بن کە پاڵپشتیە مادییەکەیان لەپێناویدا وەرگرتووە.
