کلکەی کۆڵێن کۆنکریت دەکرێت

+964

ژێوار خدر – راپەڕین

رێگای کلکەی کۆڵێن لە رانیە، تێکەڵە رێژ و کۆنکرێت دەکرێت و لە ماوەیەکی کەمدا کارەکانی تەواو دەبێت.

درێژی رێگاکە یەک کیلۆمەتر و نیوە، بڕیارە بە گوژمەی 66 ملیۆن و 764 هەزار و 600 دینار لەسەر نودجەی وەزارەتی دارایی و ئابووری، لە ماوەی 120 رۆژدا جێبەجێ بکرێت.

ئومێد حەمە عەلی بەڕێوەبەری گشتی رێگاوبانی راپەڕین بە 964ـی وت: لە 17 ی ئەیلولی ساڵی رابردووەوە دەستمان کردووە بە تێکەڵەڕێژ و کۆنکرێت کردنی بەشێک لە رێگای شاخی کۆڵێن – چوارقوڕنە – قوڕەگۆ لە ناحیەی چوارقوڕنە، بەشێکی باشی کارەکان بەرەو کۆتایی دەڕۆن و بەمزووانە تەواو دەبێت.

وتیشی، “رێگاکە بە گشتی تێکەڵە رێژکراوە و ئەو شوێنانەشی کە هەورازن کۆنکرێت دەکرێت”.

کلکەی کۆڵێن دەکەوێتە باشوری رۆژئاوای شاری رانیە، بەشێکە لە زنجیرە چیای حاجیلە، قەزای رانیە و ناحیەی حاجیاوا لێک جیادەکاتەوە.

پێداچوونەوە: بەهرە محەمەدئەمین