کرێکارەکان موچەیان وەرنەگرتوە
بەهۆی بایکۆتەوە نەخۆشخانەیەک لە کۆیە کەوتوەتە ژێر زبڵ و پاشماوە
964+
گۆڤەند فەتاح – کۆیە
شەش مانگ دەبێت کرێکارانی پاککەرەوەی نەخۆشخانەی فێرکاری شەهید د.خالید موچەیان وەرنەگرتووە و زیاتر لە هەشت رۆژە بایکۆتیان کردووە و بەو هۆیەوە زبڵ و پاشماوەیەکی زۆر لەناو نەخۆشخانەکە کەڵەکە بووە.
د.عەبدوڵا مەحمود، جێگری بەڕێوەبەری نەخۆشخانەی شەهید د.خالید بە 964ی راگەیاند، بەهۆی کێشەی یاسایی و دارایی کۆمپانیای پاککەرەوە لەگەڵ وەزارەتی دارایی و وەرنەگرتنی شایستە داراییەکان تا ئێستا کۆمپانیاکە شەش مانگە مووچەی کرێکارەکانی نەداوە و بەو هۆیەوە زبڵ و پاشماوەیەکی زۆر کەڵەکە بووە.
