ئەو هیلیکۆپتەرەی کەلوپەلی سەربازی گواستووەتەوە. وێنە:روانگەی سوری بۆ مافەکانی مرۆڤ.
لە هەرێمی کوردستانەوە
دوو رۆژە هیلیکۆپتەری ئەمریکی کەرەستەی سەربازی دەگوازێتەوە رۆژئاوای کوردستان
964+
فەهمی نەبی
روانگەی سوری بۆ مافەکانی مرۆڤ دەڵێت، ئێوارەی ئەمڕۆ شەممە هیلیکۆپتەرێکی هێزەکانی ئەمریکا لە هەرێمی کوردستانەوە کەلوپەلی سەربازی هەڵگرتبوو، لە بنکەی خرابە جیر لەناوچەی رمێلانی باکوری حەسەکەوە نیشتووەتەوە.
ئەمە لەکاتێکدایە، دوێنێ هەینی دوو هیلیکۆپتەری دیکەی ئەمریکی بە کەرەستەی سەربازییەوە لە هەمان بنکە نیشتووەتەوە.
دوێنێ شەو بۆ سوریا و عێراق شەوێکی ئاسایی نەبوو، درەنگانی شەو فڕۆکە جەنگیەکانی ئەمریکا لە سوریا و عێراق ژمارەیەک بارەگای گروپە چەکدارەکانی نزیک لە ئێرانیان بۆردوومان کرد.
بەپێی راگەیەنراوی فەرمی حکومەتی عێراق، لە هێرشەکاندا 16 کەس کوژراون و 25 کەسى دیکەش بریندار بوون.
لە سوریا 28 بنکەی گروپە چەکدارەکان کرانە ئامانج و 29 چەکداری گروپە چەکدارەکان کوژران.
ئەمریکا عێراق و سوریای بۆردومان کرد و ئاگربەستی غەزەش نزیکە
