مۆدریچ. فۆتۆ: ئاژانسەکان
200 ملیۆن
سعودییه‌كان واز له مۆدریچ ناهێنن
964+
ئه‌رسه‌لان عه‌بدوڵا
یانه‌كانی سعودیه واز له لوكا مۆدریچی یاریزانی ریال مه‌درید ناهێنن و له‌گه‌ڵ كردنه‌وه‌ی ده‌رگای گواستنه‌وه‌ی زستانه‌ی یاریزانان، جارێكی دیكه ئۆفه‌ری نوێ پێشكه‌ش به یاریزانه‌كه ده‌كه‌ن، هه‌روه‌ك هاوینی رابردوو موچه‌ی ساڵانه‌ی 200 ملیۆن یۆرۆیان پێدا.
تۆڕی دیفێنسا سێنترالی ئیسپانی نووسیویه‌تی، یانه‌كانی ئیتیحاد و ئه‌هلیی سعودی ده‌یانه‌وێت ئه‌م زستانه مۆدریچ بگوازنه‌وه ریزه‌كانیان، به‌ڵام پێناچێت ئه‌م كاره بێته دی، چونكه یانه‌ی ریال مه‌درید به لای كه‌م تا هاوینی داهاتوو ده‌ستبه‌رداری ئه‌ستێره‌كه‌ی كرواتیا نابن.
سه‌رچاوه‌كه ده‌ڵێت، سه‌رۆكی یانه‌ی ریال مه‌درید پێی وایه مۆدریچ باشترین یاریزانی یه‌ده‌گی ئێستای تیپه‌كه‌یه‌تی و نابێت ده‌ستبه‌رداری ببن.
