كتێبخانەكانی دهۆك- تایبەت بە +964
لە دهۆك 502 كتێب چاپكراون و هاوكاریی هیچ نووسه‌رێكیش نه‌كراوه
964+
عەمارعەزیز- دهۆك
لە ساڵی 2022 لە پارێزگای دهۆك 502 كتێب چاپكراون، زۆربەی كتێبەكان ئایینی و كۆمەڵایەتین، هاوكاری هیچ نووسه‌رێكیش نه‌كراوه بۆ چاپكردنی به‌رهه‌مه‌كه‌ی
ئەم رێژەیە لە چاو ساڵی رابردوودا زیاتر بووە، ساڵی 2021 لە دهۆك 545 كتێب چاپكراون، بەراورد بە ئه‌مساڵ 44 كتێب كەمتر بووه.
شێرزاد عومەر، بەرپرسی بەشی کارگێری لە کتێبخانەی بەدرخانیان لە ناوەندی دهۆک بە 964+ وت، “لە ساڵی رابردوودا تەنیا 502 كتێب چاپكراون، كتێبەكان بە شێوەزاری كوردی بادینی، بە پيتی عەرەبی چاپكراون.
ئەمیر عەلی، بەڕێوەبەری گشتیی رۆشنبیری و هونەر لە پارێزگای دهۆک بە 964+ـی وت، “سێ بۆ چوار ساڵە ئیدارەی کتێبخانەکان لەسەر بەڕێوەبەرایەتیی رۆشنبیریی دهۆک راستەخۆ گرێدراون بە وەزارەتی رۆشنبیری و لاوانه‌وه، بە گشتی لە ساڵی 2022 هاوکاری هیچ نووسەرێکمان نەکردووە بۆ چاپکردنی بەرهەمەکەی، ئەمەش بەهۆی نەبوونی بودجە و پارەی پێویست بۆ ئەو بەشە”.
لە پارێزگای دهۆك هه‌شت كتێبخانە هەن و زیاتر لە 100 هەزار ناونیشانی جیاوازیان تێدایە.