تا کاتژمێر 5:00 بەردەوام دەبێت
هەڵبژاردنی ژوورە بازرگانییەکان دەستیپێکرد
964+
توانا نەقی
بەیانی ئەمڕۆ پێنجشەممە هەڵبژاردنی ژورە بازرگانییەکان لە هەرێمی کوردستان دەستیپێکرد دەنگدەران چوونەتە سەر سندوقەکانی دەنگدان.
هەڵبژاردنەکە دوای زیاتر لە 17 ساڵ لە هەریەک لە پارێزگاکانی هەولێر، سلێمانی، دهۆک و هەڵەبجە بەڕێوەدەچێت.
هەڵبژاردنی ژوورە بازرگانی و پیشەسازییەکانی هەرێم کێبڕکێکردنە لەسەر 13 کاندیدی نوێ، تا پێکهاتەی ئەنجومەنی کارگێڕی ژورە بازرگانییەکان پڕبکەنەوە و چوار کەسیش وەک بەدیل بمێننەوە.
ژمارەی کاندیدانی ئەنجومەنی کارگێڕی ژوورە بازرگانییەکان بریتییە لە 86 کەس کە بەم شێوازە دابەش بوون بەسەر پارێزگاکاندا؛
لە هەولێر 33 کاندید
لە سلێمانی 26 کاندید (یەک کاندید کشاوەتەوە)
لە هەڵەبجە 10 کاندید
لە دهۆک 17 کاندید
لە هەرێمی کوردستان بۆ ئەم هەڵبژاردنە 29 هەزار و 684 کەس مافی دەنگدانیان هەیە.
بڕیارە تاوەکو کاتژمێر 5:00ـی ئێوارە سندوقەکان کراوەبن و دەنگدان بەردەوام بێت لە دوای ئەو کاتەشەوە سەرجەم سندوقەکان دادەخرێت.
