ناهێڵن زانکۆی چەرمۆ بێ ئاو ببێت

964+

هۆگر عەدنان – چەمچەماڵ

کۆمپانیاکانی بواری نەوت و غازی چەمچەماڵ بیرێکی ئاوی خواردنەوە لەناو کەمپی زانکۆی چەرمۆ لێدەدەن بۆ ئەوەی زانکۆکە بێ ئاو نەبێت.

نزیکەی بڕی سێ دەفتەر و نیو دۆلار بۆ لێدانی بیرەکە تەرخانکراوە.

رۆژی پێنجشەممە، 7.9.2023، وەفدێکی کۆمپانیای داناغاز و کرێسنت پترۆڵیۆم سەردانی زانکۆی چەرمۆیان کردووە و بڕیاریانداوە بەم نزیکانە دەست بکەن بە لێدانی بیرەکە.

لەوبارەیەوە، دکتۆر هەژار بەرزنجی لە راگەیاندنی زانکۆی چەرمۆ بە 964ـی وت، “هەوڵەکانیان بەرز دەنرخێنین و ئەمڕۆ بریاریاندا بە بڕی 34 هەزار
و 915 دۆلار بیرێک بە قووڵایی 250 مەتر بۆ زانکۆکەمان لێبدەن لەگەڵ دروست کردنی حەوزێک بە درێژی 10 مەتر و پانی شەش مەتر”.

وتیشی، “زانکۆکە پشت بە ئاوی بیر دەبەستێت بەڵام بیرەکە وەک پێویست نییە و لە ئاست پێویستییەکاندا نییە، بەو بیرە تازەیە دەتوانین رێژەی سەوزاییش زیاد بکەین”.