منداڵێک بە دوو سەر و چوار دەست و چوار قاچەوە لەدایکبووە

964+
هێڤی دیوالی

پزیشکێک لە نەخۆشخانەی ژنان و منداڵبوونی دهۆک بۆ 964ـی پشتڕاستکردەوە، مانگێک لەمەوبەر، منداڵێک بە دوو سەر و چوار دەست و چوار قاچەوە لە نەخۆشخانەکەیان لەدایکبووە و دواتر گیانی لەدەستداوە.

بەگوێرەی ئەو وێنەیەی دەست 964 کەوتووە، ئەندامانی جەستەی منداڵەکە پێکەوەنووساوە و دکتۆرەکان وتوویانە ناکرێت لەیەکتر جیابکرێنەوە.

پزیشکەکە بە 964ـی وت، حاڵەتەکە دەگمەن بووە و منداڵەکە زۆر نەژیاوە، دوای لەدایکبوونی بەزووی گیانی لەدەستداوە.

بۆ ئەم بابەتە 964 چەندین جار پەیوەندی بە دکتۆر ئیمان سدیق بەڕێوەبەری نەخۆشخانەی ژنان و منداڵبوونی دهۆک کرد، بەڵام بەردەست نەبوو.