پۆلیسێكی بهرگرى شارستانى تهق تهق لهنزیكى ئاوى زێی بچووك كه دهردهكهوێ شریتی سوور له كهنارهكهى دراوه... وێنه: وه‌زاره‌تى ناوخۆ
ته‌نیا ئه‌مساڵ 60 كه‌س خنكاون
هه‌ر شوێنێك مه‌ترسیداربێت بۆ مه‌له‌كردن شریتی سوورى لێده‌درێت
964+
فه‌رهاد حه‌سه‌ن
وەزارەتی ناوخۆ ده‌ڵێت، ئه‌و شوێنه ئاویانه‌ى مه‌ترسی خنكانى هاوڵاتیانى له‌سه‌ره ، شریتی سوورى لێده‌ده‌ن و داده‌خرێن.
به‌پێی ئه‌و ئاماره‌ى كه 964 له‌سه‌رچاوه فه‌رمییه‌كان و روماڵى رووداوه‌كانى خنكان ده‌ستیكه‌وتووه، لە ماوه‌ى شەش مانگی ئەمساڵ 60 هاوڵاتی لە ناوچە جیاوازەکانى هه‌رێمی كوردستان و كه‌ركوك خنکاون.
وه‌زاره‌تى ناوخۆ، هه‌ریه‌ك له دەستەی گشتی گەشتوگوزار و دەستەی پاراستن و چاككردنەوەی ژینگە و فەرمانگەی میدیا و زانیاری و ناوەندی هاوبەشی هەماهەنگی قەیرانەكان و دامەزراوە پەیوەندیدارەكانی دیكەى راسپارد هەڵمەتی ئاگاداركردنەوە و هۆشیاركردنەوەی هاوڵاتیان و گەشتیاران بۆ خۆپاراستن لە مەلەكردن لەو شوێنە مەترسیدارانە دەستپێدەكەن.
له راگه‌یندراوێكدا، وەزارەتی ناوخۆ داواى لە هاوڵاتیان و گەشتیاران و كۆمپانیایاكانی گەشتوگوزار كردوە “پابەند بن بە دووركەوتنەوە لەو شوێنانەی شریتی سوریان لێدراوە و هێما و تابلۆكانی قەدەغەكردنی مەلەیان لێ هەڵواسراوە”.
جەختیشكراوه‌تەوە، ئەو شوێنانەى مەترسیدارن و بەهیچ شێوەیەك ناكرێت مەلەیان تێدا بكرێت و بۆ مەلەكردن ناشێن و ڕێگاپێدراو نین.