لە زێی بچووک
لە نیو کاتژمێردا دوو کەس لە خنکان رزگارکران
964+
پێشەوا محەمەد
لە ماوەی نیو کاتژمێردا دوو هاوڵاتی لە سنووری قەزای کۆیە لە خنکان رزگار کراون.
رووداوی یەکەم کاتژمێر 9:30ـی سەرلەبەیانیی ئەمڕۆ هەینی 21.7.2023 روویداوە و ئەوی دیکەشیان نیو کاتژمێر دواتر بووە.
یەکێک لە هاوڵاتییەکان تەمەنی 35 ساڵە و دانیشتووی هەولێر بووە، ئەوی دیکەیان 12 ساڵ بووە و دانیشتووی چەمچەماڵ بووە و هەردووکیشیان بۆ گەشت و سەیران چوونەتە کۆیە.
عەمید گۆران، بەڕێوەبەری بەرگریی شارستانی کۆیە بە 964ـی وت، “حاڵەتی یەکەم لە ناحیەی ئاشتی بووە و هی دووەمیشیان لە ناحییەی تەقتەق بووە، کە ئاوی زێی بچووکیان پێدا تێدەپەڕێت”.
ئەوە لەکاتێکدایە، تەنیا هەینی رابردوو حەوت کەس لە هەرێمی کوردستان لەناو ئاودا خنکان و ئەمساڵیش تا ئێستا بە گشتی 53 کەس خنکاون.