لە كەناراوەكانی یۆناندا 20 كۆچبەر رزگار كران

964+
كوردستان ئەحمەد

لە كەناراوەكانی نێوان توركیا و یۆنان 20 كۆچبەر لەلایەن هێزە ئەمنییەكانی یۆنانەوە رزگاركران.

لە چەند بەلەمێكی بچووكی گواستنەوەی پەنابەراندا لە سنووری شارۆچكەی داتچا لە پارێزگای موگلا، كۆچبەرەكان رزگاركراون، کە زۆربەیان خەڵكی لیبیا و ناوچە كانی دیكەی رۆژهەڵاتی ناوەڕاستن.

ئاژانسی رۆیتەرز لە بارەی كۆچبەرەكانەوە نووسیویەتی، ئێستا كۆچبەرەكان لە لایەن پۆلیسی یۆنانەوە دەستگیركراون و لێكۆڵینەوەیان لەگەڵدا دەكرێت و بە دوای قاچاخچییەكەدا دەگەڕێن.

ئاری جەلال، سەرۆكی دەزگای لووتكە، بە 964ی وت، هیچ كۆچبەرێكی كورد لە ناو ئەو 20 كۆچبەرانەدا نەبووە و لە دوو هەفتەی رابردوودا هیچ كۆچبەرێكی كورد ئەو رێگەیەی بۆ ئەوروپا بەكارنەهێناوە .

بە پێی رێككەوتنێك كە لەنێوان یۆنان و توركیادا هەیە، هەر كۆچبەرێك لە سنوورەكەدا دەستگیربكرێت دەگەڕێنرێتەوە بۆ توركیا و رادەستی سوپای ئەو وڵاتە دەكرێت.