نەخۆشەكانی خانەقین دەنێردرێن بۆ سلێمانی

964+

راژان باجەڵان – خانەقین

هەر نەخۆشێكی بەپەلە لە خانەقین رووبدات راستەوخۆ رەوانەی نەخۆشخانەكانی سلێمانی دەكرێت.

دكتۆر شوان شاکر، بەرێوەبەری نەخۆشخانەی گشتی خانەقین بە  964ـی وت، ئەمبوڵانسێكی نوێ دراوە بە نەخۆشخانەی خانەقین بۆ ئەوەی  نەخۆش بنێرن بۆ سلێمانی.

پێشتر نەخۆشەكانی خانەقین رەوانەی بەعقوبە دەكران، ئێستا لێكتێگەیشتنێك هەیە بۆ ئەوەی بتوانن نەخۆشەكان بنێرن بۆ سلێمانی.

بەشێكی زۆر لەو نەخۆشانەی كە لە خانەقین هەن چارەسەریان نییە، چونكە نەخۆشخانەكان پزیشكی تایبەتیان نیە دەبێت نەخۆشەكان بنێردرێن بۆ شوێنێكی دیكە

پێداچونەوە: كوردستان ئەحمەد