وێنه: سۆسیال میدیا
رێكارێك له "سۆران"ه‌وه
سۆران.. پاس و تەکسییەکان ته‌برید دانه‌گیرسێنن لێپێچینەوەیان لەگەڵ دەکرێت
964+
فه‌رهاد حه‌سه‌ن
له سۆران رێكارێك جێبه‌جێده‌كرێت له‌مه‌ودوا شۆفێرانى گواستنه‌وه‌ى گشتی ئه‌گه‌ر ته‌برید بۆ سه‌رنشینه‌كانیان دانه‌گیرسێنن، لێپێچینەوەیان له‌گه‌ڵدا ده‌كرێت.
ئه‌م رێكاره، گشت کۆمپانیاکانی گواستنەوەی هاوڵاتیان بۆ دەرەوەی وڵات و نووسینگەکانی تاکسی تەلەفۆنی، گواستنەوەی قوتابییان و گەشتیارن و هێڵەکانی گواستنەوەی هاوڵاتیان و پاس و تاکسی لە سنووری سۆران دەگرێته‌وه.
بارزان میر عەلی، بەڕێوەبەری گواستنەوەی سۆران به 964ـى راگه‌یاند، ئاگادارى ئه‌و ئوتومبێلانه‌مان كردووه‌ته‌وه كه دەبێت لە ماوەی یەک هەفتە پشکنین بۆ سیستەمی فێنککەرەوە (تەبرید) بکەن.
وتیشی “هەر شۆفێرێک پابەندی ئەم رێکارە نەبێت و سەرپێچی بکات لێپێچینەوەی یاسایی لەگەڵ دەکرێت”.
داواش لە گەشتیاران دەکات، بۆ مەبەستی گەیاندنی سکاڵاکانيان لە ئەگەری هەر سەرپێچییەک لە لایەن شۆفێرانی کەرتی گشتییەوە دەتوانن پەیوەندی بە ژمارە مۆبایلانه‌ی خوارەوە بكه‌ن:
هونەر : 07504826755 سیروان: 07504837694 نەجات:07504637376 ئیبراهیم:07504999657