لە هەولێر ژن و پیاو و کچێک بە چەقۆ کوژران

964+

فەرمان سادق

کەمێک پێش ئێستا لە حەوشەی ماڵێکی گەڕەکی قەتەوی باشووری هەولێر تەرمی ژن و پیاوێکی بەتەمەن لەگەڵ کچێکی مێرمنداڵ دۆزرایەوە کە بە چەقۆ کوژراون.

964 دەزانێت کە پۆلیس لە شوێنی رووداوەیەکە.

زانیاری سەرەتایی

بەگوێرەی زانیارییە سەرەتاییەکانی لە پۆلیسی هەولێر دەست 964 کەوتووە، ئەوانەی کوژراون ژن و مێردێکی بەتەمەن و منداڵێکی کچی تەمەن 9 بۆ 10 ساڵ لە نزیک مزگەوتی گەورەی قەتەوی هێرشیان دەکرێتەسەر و دەستبەجێ بە چەقۆ لەوێ دەکوژرێن.

زانیارییەکان باس لەوە دەکەن کە ئەوانەی هێرشیان کردووەتە سەر ئەو خێزانە کێشەی کۆمەڵایەتییان لەگەڵیدا هەبووە، لە ئێستاشدا پۆلیس لە شوێنی رووداوەکەیە و سەرقاڵی کۆنتڕۆڵکردنیەتی.