ژمارە تەلەفۆنێک بۆ دۆزینەوەی دانراوە

گه‌نجه‌ ونبووه‌كه‌ى پیرمام نه‌دۆزراوه‌ته‌وه‌

964+

فه‌رهاد حه‌سه‌ن

له ‌دوێنێوه‌ گه‌نجێك له‌ قه‌زاى پیرمام له ‌ماڵه‌وه‌ چووه‌ته‌ده‌ر و نه‌گه‌ڕاوه‌ته‌وه‌، دایكیشی ده‌ڵێت، لایه‌نه‌ په‌یوه‌نداره‌كانمان ئاگاداركردووه‌ته‌وه ‌و به‌ڵام تا ئێستا نه‌دۆزراوه‌ته‌وه‌.

گه‌نجه‌كه‌ ناوى هشیار محه‌مه‌د باقى، ته‌مه‌ن 32 ساڵه‌، خێزانداره‌ و خاوه‌نى سێ منداڵه‌.

حه‌لیمه‌، دایكى کوڕەکە به‌ 964ـى وت “له‌ دوێنێوه‌ دواجار لاى به‌نزینخانه‌ى ناو بازاڕ بینراوه‌ و ئیدی نه‌گه‌ڕاوه‌ته‌وه‌”.

وتیشی، “لایه‌نى ده‌روونى كوڕه‌كه‌م جێگیر نییه‌، به‌ڵام یه‌كه‌مجاره‌ ون ده‌بێت”.

جگه‌ له‌ پۆلیسی قه‌زاى پیرمام، دایكى ده‌ڵێت، “پۆلیسی هه‌ولێر و پیرزینیشمان ئاگادار كردووه‌ته‌وه‌، به‌ڵام تا ئێستا نه‌دۆزراوه‌ته‌وه‌”.

داواكاریشه‌ هه‌ر كه‌سێك زانیاری له‌سه‌ر هه‌بێت په‌یوه‌ندی به‌و ژماره‌ مۆبایله‌وه‌ بكه‌ن:

07507280518