ئەمساڵ لەدایکبووانی 2017 دەچنە بەرخوێندن

964+

پێشەوا محەمەد – سلێمانی

بۆ ساڵی خوێندنی 2023 – 2024 لەدایکبووانی ساڵی 2017 لە قۆناغی یەکی بنەڕەتی وەردەگیرێن و لە دایکبووانی ساڵی 2019ش دەچنە قۆناغی یەکەمی باخچە.

ناوتۆمارکردن لە قوتابخانەکان لە 4.6.2023 دەستپێدەکات و تا 1.8.2023 بەردەوام دەبێت.

ساڵی رابردوو یەک ملیۆن و 900 هەزار قوتابی لە 12 قۆناغی جیاوازی خوێندندا لە شەش هەزار و 805 قوتابخانە خوێندوویانە.

دڵشاد عومەر، بەڕێوەبەری پەروەردەی سلێمانی بە 964ی راگەیاند، وەرگرتنی خوێندکاران هەفتانە دوو رۆژ دەبێت کە رۆژانی یەکشەممان و چوارشەممانە.

بە پێی زانیارییەکانی 964، بۆ وەرزی نوێی خوێندنی 2023 – 2024 زیاتر لە 100 هەزار قوتابی نوێ دەچنە بەرخوێندن.