ڤیڤۆ یەکەمین مۆبایلی ئاست بەرز نمایشدەکات

+964 بڵند عوسمان – هەولێر کۆمپانیای ڤیڤیۆ مۆبایلێکی ئاست بەرزی بە ناوی ڤیڤۆ ئێکس ٩٠ پڕۆ پڵەس ناساند کە دەبێتە یەکەم مۆبایل پرۆسێسەری سناپدراگۆن ٨ـی نەوەی دووەمی لەسەر بێت. لە ئیڤێنتێکی تایبەتدا کە لە وڵاتی چین بەڕێوەچوو، کۆمپانیای ڤیڤۆ یەکەم مۆبایلی لە جۆری ئێکس ٩٠ پڕۆ پڵەس بە نوێترین پرۆسێسەری سناپدراگۆن ٨ی نەوەی دووەمی نمایشکرد کە. بە بەراورد بە نەوەی پێشوو زۆر باشە و گەشەی پێدرابووە. ڤیڤۆ، کۆمپانیایەکی چینییە، ساڵی ٢٠٠٩ دامەزراوە، لە ئێستادا یەکێکە لە دیارترین کۆمپانیاکانی بواری بەرهەمهێنانی مۆبایلە زیرەکەکان، بە رکابەری سەرسەختی بڕاندە جیهانییەکانی وەکو ئەپڵ و سامسۆنگ هەژمار دەکرێت، بەتایبەت لە بازاڕی ناوخۆی چین.

ڤیڤۆ یەکەم مۆبایلی لە جۆری ئێکس ٩٠ پڕۆ پڵەس بە نوێترین پرۆسێسەری سناپدراگۆن ٨ی نەوەی دووەمی نمایشکرد

لەگەڵ ناساندنی ئەم نەوەیە ئاماژە بە ناوی چەندان کۆمپانیایێکی مۆبایل درا، کە ئەم جۆرە پڕۆسێسەرە بەکار دێنن، کۆمپانیای ڤیڤۆ یەکێک بوو لەوانە کە ٢٢ی نۆڤێمبەر بەشێوەیەکی زۆر خێرا یەکەم مۆبایلی خۆی ناساند کە ئەم جۆرە پڕۆسێسەرەی لەسەر جێگیرکرابێ، لە ئیڤێنتەکە بەم شێوازە باسکرا. مۆبایلە لە ژێر زنجیرەی (X 90) دەبێت ئەم زنجیرەیە بە زیاتر لە جۆرێک بەردەست دەبێت، کە جۆرە ئاست بەرزەکەیان ڤیڤۆ ئێکس ٩٠ پڕۆ پڵەس دەبێت، کە وا بڕیارە لە ٦ی دیسێمبەری ئەم ساڵ دەکەوێتە بازاڕ.