لە دهۆک هیچ حاڵەتێکی هەوکردنی مێشکی منداڵ تۆمار نەکراوە
964+
عەمار عەزیز-دهۆک
هیچ حاڵەتێکی هەوکردنی مێشکی منداڵان لە پارێزگای دهۆک تۆمار نەکراوە و تەندروستی شارەکەش دەڵێت، تاوەکو نەزانین هۆکارەکانی تووش بوون بە پەتاکە چین، دەست بە ئامادەکاری بۆ رووبەڕووبەوەنەوەی ناکەین.
چەند رۆژێکە لە سلێمانی و هەڵەبجە چەندین حاڵەتی هەوکردنی مێشکی منداڵان تۆمار کراون، رۆژانەش ژمارەکان روو لە زیادبوونن.
حەمزە رەزیکی، وتەبێژی بەڕێوەبەرایەتی تەندروستی دهۆک ئەمڕۆ 25.4.2023 بە 964ـی وت، تا ئەمڕۆش هیچ حاڵەتێکی هەوکردنی مێشکی منداڵان لە سنووری پارێزگای دهۆک تۆمار نەکراوە، ئەگەر هەوکردنی مێشکی منداڵ تۆمارکرا ئەوکات هەموو رێکارێکی تەندروستی دەگرینەبەر تا زیاتر بڵاونەبێتەوە.
حەمزە رەزیکی دەڵێت، تا ئێستا هیچ ئامادەکارییەکمان نەکردووە، چونکە جارێ بە تەواوەتی نازانین هۆکاری بڵاوبوونەوەی نەخۆشییەکە چییە.
پێداچوونەوە: فەهمی نەبی