لۆگۆی یه‌كێتیی تێنسی كوردستان
کچان لە دهۆک یاری تێنس دەکەن
964+
ئه‌رسه‌لان عه‌بدوڵا – هه‌ولێر
ئه‌مڕۆ پێنجشه‌ممە، لە شاری دهۆک پاڵەوانێتی كراوه‌ی تێنس بۆ کچان دەستپێدەکات، نزیکەی ٣٠ یاریزان لە ناوچە جیاجیاکانەوە بەشدار دەبن، بە قسەی بەرپرسان.
بڕیارە پاڵەوانێتییەکە سێ رۆژ بخایەنێت و تێیدا کچانی تەمەن ١٠، ١٢، ١٤ و ١٦ ساڵ لەگەڵ پێشکەوتووان بەشدار بن.
رۆسته‌م ره‌سوول، سه‌رۆكی یه‌كێتیی تێنسی كوردستان به 964+ وت، ئێواره‌ی ئه‌مڕۆ پاڵه‌وانێتییەکە دەستپێدەکات و نزیکەی ٣٠ یاریزان بەشدار دەبن.
وابڕیارە یارییه‌كان له یاریگاكانی یانه‌ی دهۆك و په‌یمانگای وه‌رزشی دهۆك بەڕێوەبچن بەپێی ستانداردەکانی ئەو یارییە.
“هه‌موو یاسا نێوده‌وڵه‌تییه‌كانی یاریی تێنس له پاڵه‌وانێتییه‌كدا جێبه‌جێ ده‌كرێن” سه‌رۆكی یه‌كێتیی تێنسی كوردستان وای وت.
ئه‌مه سێیه‌م پاڵه‌وانێتی و پێشبركێی یاریی تێنسه، كه ئه‌مساڵ له لایه‌ن یه‌كێتیی تێنسی كوردستانه‌وه ساز ده‌كرێت.