یانەی نەورۆز سەرکەوت بەسەر سەناعەدا

964+

یادگار محەمەد – سلێمانی

یانەی نەورۆز لەسەر یاریگای سلێمانی میوانداری سەناعەی شاری بەغدای کرد و یارییەکەشی بەسێ گۆڵی بێ بەرامبەر لێ بردەوە.

یارییەکە ئێوارەی ئەمڕۆ 2.4.2023 لە سێمانی بەڕیوەچوو، لە رکابەرییەکانی گەڕی 22ـی خولی یانە پلە نایابەکانی عێراق و لە دوای یەکسان بوونیان لە نیوەی یەکەم.

ئافۆلابی ئۆکیکی نەیجیری، لە خولەکی 54ـی یارییەکە شریتی گۆڵەکانی لە سوودی یانەکەی شاری سلێمانی کردەوە. دوای ئەویش یاریزان روان تیلیسی بەرازیلی دوای هاتنە ناو یاریگا لە خولەکەکانی 64 و 69ـدا دوو گۆلی تری تۆمارکرد.

بەو ئەنجامە، یارییەکە بە سێ گۆڵی بێ بەرامبەر لە سوودی نەورۆز کۆتایی هات، بەمەش یانەی نەورۆز کۆی خاڵەکانی گەیاندە 29 خاڵ و بەشێوەیەکی کاتی چووە پلەی دەیەمی ریزبەندی.

پێداچوونەوە: فەرمان سادق