بهڕازیل دۆڕا و ئهڵمانیا بردییهوه
964+
ئهرسهلان عهبدوڵلا
له دوو یاریی دۆستانهدا، ههڵبژاردهی ئهڵمانیا له ههڵبژاردهی پیرۆی بردهوه و بهڕازیلیش به مهغریب دۆڕا.
ههڵبژاردهی ئهڵمانیا له یهكهم یاریی خۆی دوای مۆندیالی 2022، شهوی رابردوو میوانداریی ههڵبژاردهی پیرۆی كرد و به 2-0 گۆڵ لێی بردهوه.
یارییهكه له ماینز كرا و نیكلاس فۆلكرۆگ ههردوو گۆڵی ئهڵمانیای له خولهكهكانی 12 و 33دا تۆمار كرد، كه یهكهمجار بوو به شێوهی سهرهكی یاریی بكات.
له یارییهكی دیكهدا، ههڵبژاردهی بهڕازیل به ئهنجامی 1-2 گۆڵ به ههڵبژاردهی مهغریب دۆڕا، لهو یارییهی له مهغریب كرا.
سوفیان بۆفال و عهبدولحهمید سابڕی گۆڵهكانی مهغریبیان كرد، گۆڵی بهڕازیل كاسیمیرۆ تۆماری كرد.
ئهمه یهكهمجاره بهڕازیل به مهغریب بدۆڕێت له مێژوودا.