لەشارباژێڕ عامودێك بارانی زستان خزاندوویەتی و تائێستا چاكنەكراوە

ئەحمەد محەمەد – شارباژێڕ

بەهۆی باو بارانی زستان، عامودێك لە نزیك قەزای چوارتا ماوەیەكی زۆرە لەشوێنی خۆی جێگێر نەماوە و بەتەواوی لار بووەتەوە و دانیشتوانی گوندەكەش دەڵێن، لەزستانەوە بەو شێوەیە و نەگۆڕدراوە.

شوێنەكە بەدیاریكراوی لەپاڵ مزگەوتی گوندی “گۆڕەدێم”ە كە دەكەوێتە نێوان قەزای چوارتا و ناحیەی زەلان، ئاستی لاربوونەوەی عامودەكە بەجۆرێكە بە تەواوی لەشوێنی خۆی رۆچووە و مەترسی كەوتنی هەیە.

وەك دانیشتووانی گوندی گۆڕەدێم باسی دەكەن، ئەم رۆچوونە لە نێوانی وەرزی زستان و بەهار روویداوە و رۆژ دوای رۆژ بەلادا دەكەوێت و زیاتر مەترسی دروست دەكات، ناوچەكەشیان پڕ دار و دەوەنە و ترسی شۆرتی كارەبا و كەوتنەوەی ئاگریان هەیە و داوا دەكەن وەكو عامودەكانیان داناوە هەرچی زووە كێبڵەكان بگوازنەوە.

هەرچەندە دوو عامود لەمسەر و ئەوسەری شەقامەكە وەكو جێگرەوە دانراون، بەڵام ماوەی سێ مانگە بەو شێوازە جێهێڵدراون و تائێستا كێبڵەكان نەگوازراونەتەوە.

پێداچوونەوە: ژێوار خدر