عومەر پشدەری لە کەلاوەیەکدا دەژی؛ بە 62 ساڵ تەمەنەوە

فەرمان مەلا حەسەن – راپەڕین

عومەر پشدەری، گۆرانیبێژێکی  میللی سنووری پشدەر، دوای 52 ساڵ لە خزمەتی هونەری، لە ئێستادا لە نێو کەلاوەیەکدا لە سەر گردی حوسنی دەژی و ژیانێکی زۆر سەخت بەڕێدەکات، ئەم گۆرانیبێژە کە تەمەنی 62 ساڵە، خاوەن پێداویستی تایبەتە و بەهۆی ئەوەی هاوسەرگیری نەکردووە و بە تەنیا دەژی، زۆرجار خەڵکی ناوچەکە خواردنی بۆ دابین دەکەن.

عومەر پشدەری بۆ 964 قسەی کرد و وتی، لە تەمەنی 10 ساڵییەوە دەستم بە گۆرانی وتن کردووە و لەگەڵ چەندین هونەرمەندی تردا گۆرانیم وتووە، بەڵام ئێستا لە دۆخێکی خراپدام.

ئاماژەی بەوەش کرد، کە تا مردن واز لە هونەر ناهێنێت، بەڵام گەیشتووەتە ئەو بڕوایەی کە هونەرمەند بێ خزمەتە و داوا دەکات لە شوێنێکی شایستەدا ژیانی بۆ دابین بکرێت.

پێداچوونەوە: ژێوار خدر