کێشەی سیستمی ئەلیکترۆنی چارەسەر کراوە

هاتوچۆی گەشتیاری و بازرگانی لە مەرزی باشماخ ئاسایی کرایەوە

964+

شۆڕش قادری

کێشەی سیستمی ئەلیکترۆنی لە دەروازەی نێودەوڵەتی باشماخ چارەسەر کرا و هاتوچۆی گەشتیاری و بازرگانی لە مەرزەکە ئاسایی کرایەوە.

بەڕێوەبەرایەتی کۆمەڵگای دەروازەی نێودەوڵەتی باشماخ لە ئاگادارییەکدا بۆ هاوڵاتیان و گەشتیاران دەڵێت، “لەئێستادا کێشەی سیستمی ئەلیکترۆنی لە مەرزی باشماخ دیوی ئێران چارەسەرکراوە و هاتوچۆی گەشتیاری و بازرگانی کراوەیە”.

هاموشۆکە وەک رۆژانی پێشتر ئاسایی بووەتەوە، واتە لە کاتژمێر 7:30 خۆلەکی بەیانی دەستپێدەکات تاوەکو کاتژمێر 9:00 شەو کراوە دەبێت.