بەشێک لە نانەقەیسیە خراپبووەکە. فۆتۆ/قایمقامیەتی سلێمانی
بەنیازبووە لە رەمەزاندا 400 کیلۆ نانەقەیسی ساغ بکاتەوە
964+
هاوبەش ئەبوبەکر
فرۆشگایەک لە سلێمانی بەنیازبووە لە مانگی رەمەزاندا، 400 کیلۆگرام نانەقەیسی خراپبوو دەرخواردی خەڵک بدات، بەڵام قایمقامیەت پێیان زانیوە و سزایان بەسەردا سەپاندووە.
قایمقامیەتی سلێمانی ئەمڕۆ یەکشەممە لە فەسیبوک رایگەیاند، لیژنەکانیان لە یەکێک لە کۆگاکان دەستیانگرت بەسەر بڕی 400 کیلۆگرام نانەقەیسی، کە شیاو نەبووە بۆ خواردن.
نانەقەیسیەکە لە شوێنی نەشیاو هەڵگیراوە
بەپێی راپۆرتی لیژنەی باڵای قایمقامیەت، هۆکاری خراپبوونی نانەقەیسیەکە بۆ نەشیاوی کۆگاکە و شوێن و خراپ عەمبارکردنەکەی دەگەڕێتەوە و خاوەنەکەشی بەنیازبووە لە مانگی رەمەزانی پیرۆزدا بەسەر هاوڵاتیاندا ساغیبکاتەوە.
“بەفەرمانی قایمقامی سلێمانی، تەواوی نانەقەیسیەکە لەناوچەی دەرەوەی نیشتەجێبوون لەناودەبرێت و خاوەنەکەشی رووبەڕووی رێکاری یاسایی دەکرێتەوە،” قایمقامیەتی سلێمانی وا دەڵێت.