گەشتە ئاسمانییەکانى عێراق بۆ بەیروت دەستیان پێکردەوە

وریا فەتاح

دواى چەند کاتژمێرێک لە وەستانى گەشتە ئاسمانییەکانى عێراق بۆ بەیروتى پایتەختى لوبنان و هەڵوەشاندنەوەى سەرجەم گەشتەکانى ئەمڕۆ، کەمێک لەمەوبەر هێڵى ئاسمانمى عێراق لە راگەیەندراوێکدا، دەستپێکردنەوەى گەشتەکانى بۆ بەیروت راگەیاند.

بەپێى راگەیەندراوەکە، گەشتەکان لە سبەینێوە دەستپێدەکەنەوە و ئەوانەشى ئەمڕۆ گەشتەکانیان هەڵوەشاوەتەوە، دەتوانن سبەینێ سێشەممە گەشت بکەن.

دڵنیایى داوە ئەو گەشتیارانەش بڕیاربووە سبەینێ گەشت بکەن، گەشتەکانیان لە کات و ساتى خۆیدا ئەنجام دەدرێت.