پاشنیوەڕۆی ئەمڕۆ تەرمەکەی دۆزرایەوە
دوایین زانیاری لەبارەی دۆزینەوەی تەرمی گەنجە خنکاوەکەی شارباژێر
964+
دیلان محەمەد -سلێمانی
پاشنیوەڕۆی ئەمڕۆ تەرمی ئەو گەنجە دۆزرایەوە کە چوار رۆژ لەمەوبەر لە رووبارێکی داوێنی شاخەسوور لە شارباژێر خنکا و تەرمەکەی رەوانەی پزیشکی دادی سلێمانی کرا.
یەکێک لەو کەسانەی بەشداربوو لە دۆزینەوەی تەرمەکەی، لە بەردەم پزیشکی دادی سلێمانی قسەی بۆ مایکی 964 کردووە و دەڵێت، “کاتژمێر 2:25 خولەکی ئەمڕۆ لەلایەن خۆبەخشان و تیمەکانی فریاکەوتن و بەرگری شارستانی دۆزرایەوە”.
ئاماژەی بەوەشکرد، خەڵکی ناوچەکە و لایەنە پەیوەندیدارەکان درێغیان نەکردووە لە دۆزینەوەی تەرمەکە و قەرارە دوای توێکاری بۆ تەرمەکەی رادەستی کەسوکاری دەکرێتەوە.
بڕوا جەزای تەمەن 24 ساڵ رۆژی پێنجشەممەی رابردوو لە شاخەسوور خنکا.
پێداچوونەوە؛ شۆڕش قادری
