چوونە سەیران ئێوارە زوو بگەڕێنەوە
سبەی لە سلێمانی و دەورووبەری بارانی بەخوڕ دەبارێت
964+
شۆڕش قادری
سبەی لە سلێمانی و هەندێک ناوچەی کوردستان باران دەبارێت و ئەگەر بەتەمای سەیرانن، دەبێ ئێوارە زوو بگەڕێنەوە، چونکە لەوانەیە بارانی بەلێزمە لێتان بدات و سەیرانەکتان لێ تێکبدات.
بەپێی پێشبینییەکانی کەشناسی کوردستان، ئەمڕۆ پێنجشەممە بەگشتی ئاسمان ساماڵ و پەڵە هەور دەبێت و لەهەندێک شوێن بۆ نیمچە هەور دەگۆڕێت ، پلەی گەرماش دوو پلەیەک بەرزدەبێتەوە.
بەڵام بۆ سبەی هەینی لە پارێزگای سلێمانی و دەورووبەری باران دەبارێت و هەندێک جاریش بارانی بەخوڕ دەبێت.
کەشناسی دەڵێت، سبەی دەمەو نیوەڕۆ لە ناوچەکانی ڕۆژهەلات و باکوور باران بە شێوەی گەواڵە بارانی بەهاری و هەورە تریشقە دەبێت، بە تایبەت لە ناوچە شاخاوییەکان رێژەی باران زیاتر دەبێت، پێشبینی دەکرێت تا کاتەکانی ئێوارە تاوە باران و هەورە تریشقە لە کات و ناوچەی جیاجیا بەردەوام بێت .
بەرزترین پلەکانی گەرمای پێشبینیکراو بە پلەی سیلیزی بۆ ئەمڕۆ؛
هەولێر: 24 پلەی سیلیزی
پیرمام: 20 پلەی سیلیزی
سۆران: 21 پلەی سیلیزی
حاجی ئۆمەران: 15 پلەی سیلیزی
سلێمانی: 23 پلەی سیلیزی
چەمچەماڵ: 23 پلەی سیلیزی
دهۆک: 23 پلەی سیلیزی
زاخۆ: 24 پلەی سیلیزی
هەڵەبجە: 24 پلەی سیلیزی
گەرمیان: 26 پلەی سیلیزی
لە کوێستانەکان بەفر و لەناو شار بارانبارین بەردەوام دەبێت
