عێراق کار بۆ بەهێزکردنی پاسپۆرتەکەی دەکات

964+

حکومەتی عێراق کار بۆ بەهێزکردنی پاسپۆرتەکەی دەکات لە پۆلێن و ریزبەندی جیهانی.

بە مەبەستی بەرزکردنەوەی ریزبەندی پۆڵێنی پاسپۆرتی عێراقی، ئەنجومەنی راوێژکاری ئاسایشی نیشتمانی عێراقی کۆبووەوە و تاوتوێی رەشی ئێستای پاسپۆرتی عێراقی کرد.

کۆبوونەوەکە دوێنێ سێشەممە 14.3.2023 لە بەغدا بەڕێوەچوو، بە ئامادەبوونی قاسم ئەعرەجی، راوێژکاری ئاسایشی نیشتیمانی.

پاسپۆرتی عێراقی بەپێێ پۆلێنی (Henley & Partner ) و (Guide) لە کۆی 108 وڵات، ریزبەندی 107ـەمینی هەیە، واتە لە خراپترینەکانی جیهانە کە تەنیا هەڵگرانی پاسپۆرتەکە دەتوانن گەشتی 29 وڵات بکەن بێ وەرگرتنی ڤیزا.

ئەو هەوڵەی عێراق دوای ئەوە دێت کە نەوەی سێیەمی پاسپۆرتی عیراقی دەرچووە، کراوە بە پاسپۆرتێکی ئەلیکترۆنی.

راوێژکاری ئاسایشی نیشتمانی عێراقی دەڵێت: لە کۆبوونەوەکەمدا ئەو خاڵانە دەستنیشانکراون بۆ گرتنەبەری بەمەبەستی بەرزکردنەوەی پۆلێنی عێراق لە ریزبەندی جیهانیدا.

وتیشی “راسپاردەکان وەک راپۆرتێک دەدرێتە ئەنجومەنی وەزیران بۆ ئەوەی بڕیاری پێویستی لەبارەیەوە بدرێت”.