ئەمریکا و ئیسرائیل دەستیان بە لێدانی ژێرخانی وزەی ئێران کرد؛ پترۆکیمیایی ئەمیر کەبیر پێکرا
964+
وریا فەتاح
جێگری ئەمنیی پارێزگاری خووزستان بە میدیا ئێرانییەکانى رایگەیاند، کەمێک پێش ئێستا کۆمەڵگەی پترۆکیمیایی “ئەمیر کەبیر” لە ناوچەی ماهشەهر کەوتووەتە بەر هێرشی ئاسمانیی ئەمریکا و ئیسرائیل.
ئەم هێرشە دوای ئەوە دێت کە تاران زنجیرەیەک هێرشی مووشەکی بۆ سەر بەرژەوەندییەکانی ئەمریکا و ئیسرائیل لە ناوچەکە دەستپێکرد، واشنتنیش وەک وەڵامدانەوەیەکی خێرا یەکەمین ژێرخانی ستراتیژیی ئێرانی لە باشووری ئەو وڵاتە کردە ئامانج.
ماهشەهر یەکێکە لە گرنگترین ناوەندەکانی پیشەسازیی پترۆکیمیایی ئێران و پترۆکیمیایی ئەمیر کەبیر یەکێکە لە گەورەترین یەکە بەرهەمهێنەرەکانی ئەو ناوچەیە.
