نانەواخانەکان نان گران بکەن سزا دەدرێن - وێنە؛ قایمقامیەتی رانیە
قایمقامیەتی رانیە بۆ نانەواخانەکان:
“نان بە گران بفرۆشن سزا دەدرێن”
964+
شۆڕش قادری
قایمقامیەتی رانیە هۆشداری دەداتە نانەواخانە و سەموونخانەکان و دەڵێت، نان بە گران بفرۆشن سزا دەدرێن.
قایمقامیەتی رانیە لە ئاگادارییەکدا بۆ نانەواخانە و سەموونخانە و کولێرەخانەکان، نرخی نان و سەموونی دیاریکردووە و نووسیویەتی، ئەگەر لەو رێژەیەی بۆیان دیاری کراوە، نرخ بەرز بکەنەوە یان کێشی گونکەکان کەم بکەنەوە، سزا دەدرێن.
نرخەکان بەم شێوەیەی خوارەوەیە؛
نانەواخانەکان پێویستە:
-ئەگەر هەشت نان بە هەزار دینار بفرۆشرێت
کێشی هەر ئەنگوتکێک دەبێت لە 90 بۆ 95 گرام بێت.
– ئەگەر شەش نان بە هەزار دینار بفرۆشرێت
کێشی هەر ئەنگوتکێک دەبێت لە 130 بۆ 135 گرام بێت.
سەموونخانەکان پێویستە:
-ئەگەر هەشت سەموون بە هەزار دینار بفرۆشرێت
کێشی هەر ئەنگوتکێک دەبێت 100 گرام بێت
-ئەگەر 10 سەموون بە هەزار دینار بفرۆشرێت
کێشی هەر ئەنگوتکێک دەبێت 90 بۆ 95 گرام بێت
کولێرەخانەکان پێویستە:
شەش کولێرەی سادە بە هەزار دینار بفرۆشرێت
کێشی هەر ئەنگوتکێک دەبێت 135 بۆ 140 گرام بێت.
-کولێرە بەقیمە یەک دانە بە گۆشتی خۆماڵی 1250 دینار
-کولێرە بەکونجی چوار دانە بە 1000 دینار
-کولێرە زەحفەران چوار دانە بە 1000 دینار
