قوباد تاڵەبانی، جێگری سەرۆکی حکومەتی ھەرێمی کوردستان. وێنە/حکومەتی هەرێمی کوردستان
هێرشى درۆنى کرایەسەر
قوباد تاڵەبانى: بەئامانجگرتنى ماڵى نێچیرڤان بارزانى بە توندى ئیدانە دەکەین
964+
وریا فەتاح
جێگرى سەرۆکى حکومەتى هەرێم لە پەیامێکدا، ئیدانەى بە ئامانجگرتنى ماڵى سەرۆکى هەرێم دەکات و دەڵێت: بیری حکومەتی فیدراڵی دەخەینەوە گروپە چەکدارە لە یاسادەرچووەکان بوونەتە سەرچاوەی هەڕەشە بۆسەر سەقامگیری و ئاسایشی هەرێمی کوردستان و عێراق.
قوباد تاڵەبانى لە پەیامەکەیدا دەڵێت:”بە ئامانجگرتنی ماڵی بەڕێز کاک نێچیرڤان بارزانی لە دهۆک، پەرەسەندنێکی مەترسیدارە و زۆر بە توندی ئیدانەی دەکەین. بیری حکومەتی فیدراڵی دەخەینەوە گروپە چەکدارە لە یاسادەرچووەکان بوونەتە سەرچاوەی هەڕەشە بۆسەر سەقامگیری و ئاسایشی هەرێمی کوردستان و عێراق”.
لە پەیامەکەدا هاتووە، ئەگەر دەستبەجێ ئاژاوەگێڕەکان رانەگیرێن و رووبەڕووی سزا نەکرێنەوە، دڵنیام سبەی دەبنە هەڕەشەیەکی مەترسیدارتر بۆ سەر سەروماڵی بەرپرس و دامودەزگا فەرمییەکانی بەشەکانی تری عێراق”.
ئەوەش لە کاتێکدایە، ئەم دوانیوەڕۆیە، سەرۆک وەزیرانى عێراق و سەرۆکى هەرێم، لەبارەى هێرشى درۆنى بۆسەر ماڵى نێچیرڤان بارزانى لەدهۆک، قسەیان کرد و سودانى جەختیکردەوە کە لیژنەیەکى هاوبەش پێکدەهێنن و گروپە لە یاسا دەرچووەکان دەدۆزنەوە.
