لەترسى باران و لافاو
دەوامى سەرجەم قوتابخانەکانى عێراق بۆ ماوەى دوو رۆژ راگیرا
964+
وریا فەتاح
وەزارەتی پەروەردەی عێراق بڕیاریدا دەوامی فەرمی لە سەرجەم قوتابخانەکانی وڵات بۆ ماوەی دوو رۆژ رابگرێت، ئەمەش بەهۆی تێکچوونی بارودۆخی کەشوهەوا و بۆ پاراستنی سەلامەتیی قوتابیان.
بەپێى بڕیارەکە، چوارشەممە و پێنجشەممەی ئەم هەفتەیە (25 و 26ـی ئازاری 2026) لە هەموو پارێزگاکان دەوامى قوتابخانەکان، راگیراوە.
وەزارەتەکە ئاماژەی بەوە کردووە کە بۆ قەرەبووکردنەوەی ئەم پشووە و تەواوکردنی مەنهەجی خوێندن، رۆژانی شەممەی داهاتوو دەکرێتە دەوام.
بڕیارەکە دوای هۆشدارییەکانی کەشناسی و بۆ دوورخستنەوەی مەترسی لەسەر ژیانی قوتابیان لە کاتی هاتووچۆدا دراوە و هەموو ناوەندەکانی خوێندنی سەر بە وەزارەتی پەروەردە لە سەرجەم بەڕێوەبەرایەتییە گشتییەکان دەگرێتەوە.