گەشتیارێک؛ پێشتر وانەبوو
یەکەم جەژنە زەڵم ئەوەندە گەشتیاری کەمی لێبێت
ئەمەل ناجی – هەڵەبجە
ساڵانی رابردوودا لە جەژن و بۆنەکاندا گەشتیارێکی زۆری ناوخۆ و دەرەوە روویان لە ناوچە گەشتیارییەکانی هەڵەبجە و هەورامان دەکرد، بەڵام نالەباری کەشوهەوا، و بارودۆخی ئەمنی ناوچەکەوە ناوچە گەشتیارییەکان چۆڵن.
تەنانەت گەشتیاری ناوەڕاست و خوارووی عێراقیش کەمی کردووە.
شوناش سوارە لەگەڵ خێزانەکەی هاتووەتە زەڵم و بە 964ی وت، یەکەمجارە زەڵم بەم شێوەیە ببینم کە ئاوا چۆڵە ئەویش بەهۆی نالەباری کەشوهەوا و بارودۆخی ئەمنیەوەیە، ئێمەش دوێنێ نەچووینەتە دەرەوە ئەمڕۆ وتمان با جەوێک بگۆڕین.
شوناس زیاتر باسی دۆخی جەژنی کرد و وتی، نەورۆز و جەژنی رەمەزان کەوتە یەک رۆژ و ئەمەش شتێکی جیاوازە بەڵام دوێنێ بە هۆی باران بارین و میوانەوە هەر لە ماڵەوە بووین،ئەمڕۆش هاتینە ئێرە چونکە شوێنەکە داخراوە و بارانیش ببارێ کێشەی نییە.
پێداچوونەوە: ئەحمەد مستەفا